唔覺唔覺家陣已經11月，好快就去到2013年，大家為新一年計劃好未呢？小弟我已經有個計劃，但唔係喺2013年做，而係今年年尾就去做，就係買呢個月曆！最近，英國有大學嘅學生會，其中七十名成員正為製作2013年月曆而努力拍照，由於月曆主題係裸體，所以每張照片都可以見到男女學生會成員一絲不掛。雖然照片一點不露，但係女學生嘅線條美盡現，嫩滑肌膚騷晒畀你睇，你話新一年每日都見到佢哋，係咪特別醒神，搵錢都快啲先？月曆將於網上公開發售，你都買番個喇。
一個人叻，多少都承襲父母祖宗嘅遺傳因子。由於了解到優良血統嘅重要性，所以唔少女性擇偶嘅時候都特別細心，挑選出知識水平高、搵錢能力勁以及體格特別強嘅男人，希望對方可以將優質血統全數傳到精子，成功生個有成就嘅下一代。最近，英國一間精子銀行就大賣廣告，表示其倉庫之內存有超過四十位名人嘅精子，包括知名F1賽車手、足球明星、科學天才、搖滾巨星等等，要取得佢哋嘅精子做人工受孕服務索價萬五英鎊，如果真係保證有個優質下一代，都唔算貴啦！
撰文：小德