歐洲國家希臘經濟有幾差？大家見到新聞周不時播放有關當地嘅示威抗議消息，大概都略知一二喇。由於經濟咁差，令到希臘國內各行各業都備受困擾，最近更加有足球隊要為五斗米折腰，做出掩住良心嘅行為。位於希臘中部嘅城市Larissa，當地嘅一支業餘球隊因為欠缺經費支助，而要四出籌集資金。最後，佢哋成功搵到廣告商資助，但原來係國內一個妓院集團，為咗令球隊繼續營運，惟有應廣告商嘅要求，喺球衣上印上妓院嘅廣告。
現時嘅日本女神綾瀨遙幾年前有套戲叫做《巨乳排球》，故事講述佢擔任教師，為咗刺激起一班學生贏得男子排球賽，承諾如果得到冠軍，就獎勵佢哋欣賞一下自己個胸，最後學生們未能成功，又睇唔到老師個胸，但係就覺得人生變得好充實。現實當中，亦有一位咁出位嘅女教師。早前內地網絡上瘋傳一張圖片，入面有一名身穿女僕裝嘅女教師喺課室同學生上堂。據聞，女教師之所以咁做，係為咗兌現承諾，畀班學生體驗一下自己換上可愛女僕裝教書嘅感覺，至於承諾關於乜事就冇交代過喇。
撰文：小德