為咗讓玩家選美過癮啲，有啲桑拿會事先畀支花玩家，然後讓佢送畀心水囡囡。不過唔係間間桑拿嘅選美方法都令人受落，好似杭州就有啲桑拿選美騷，唔單止令人唔係好受落，場面仲好搞笑添！
其實又唔可以話班桑拿嘅負責人，事關若然驟眼睇落去嘅話，又真係幾有噱頭嘅，就好似當地有桑拿就諗到送香檳呢招，讓玩家睇啱心水囡囡嘅時候，可以拎住支香檳上台送畀囡囡，跟住囡囡就會跟住首位送香檳畀佢嘅玩家齊齊入房，係咪冇乜問題呢？但唔知係咪負責買香檳嘅人冇諗清楚，支香檳竟有成呎幾咁高，對於一個大男人嚟講已經夠難拎，仲要將佢送畀個弱質纖纖嘅技師，你話個畫面係咪勁搞笑先？因此，呢個本嚟好有格調又有特色嘅選美方法，最後搞到班玩家拎住支香檳唔想送，就算送到上台班囡囡又唔願接，真係攞嚟搞呀！
如果呢個方法都覺得好騎呢嘅話，咁以下呢個方法唔單止勁騎呢，仲有啲危險性添！事關按原本嘅設計，入場嘅玩家每人都能預先分發到一支激光棒，而每位出場行貓步嘅囡囡個胸圍上，則裝有一個感應器。當玩家用支激光棒射中囡囡心口時，囡囡個胸圍就會着燈，跟住佢就會循光搵佬，搵到射佢個玩家後便齊齊入房，成件事睇起嚟真係超簡單又過癮。點知個場嘅負責人冇諗過，玩家中有唔少手多多嘅男士，佢哋拎住支激光棒亂咁射，唔係射囡囡個心口喎！而係射佢對眼。班女知道咁玩會有危險性，於是個個嚇到雞飛狗走，搞到本嚟儀態萬千嘅貓步騷亂到九彩！奇就奇在個場話呢個係選美嘅特色，一切盡在預計之內，真係吹脹呀！
地點：杭州
語錄：有諗頭抵讚，諗唔掂抵彈，玩得唔夠盞，叫人點樣玩？
撰文：豆豉