記得以前啱啱出嚟玩嘅時候，有啲老前輩教過我哋呢啲小朋友，去夜場扮吓初哥會有意想唔到嘅着數，諗起又真係幾多着數，但今時今日，特別係北上夜遊，如果你扮初哥或者認第一次幫襯，佢哋冇着數畀你嘅同時仲隨時劏到你一頸血。
話說有個老友，喺厚街幫襯間骨場，佢見門口寫住九十分鐘推油都係一百三十蚊，見咁抵玩，於是走入去幫襯，知客問佢係咪第一次嚟？佢話係！跟住更衣走出大廳，主任再走埋嚟問佢係咪第一次嚟，朋友再答多次話係。之後入房，四個囡囡入嚟畀佢揀，佢揀咗其中一個巨乳技師，技師留低一關門又問佢係咪第一次，朋友心諗問咁多次唔通有乜嘢着數？點知囡囡成日走出走入，實際按摩一半時間都冇，仲話推油只推背，如果想深入服務就要加五十，老友答允加多五十，點知只係深入到屁股同大髀罅，問佢點解仲未起機？技師答想起機就要加一百。
朋友心水夠清，有床尾機自然有埋床頭機，囡囡話解開胸圍多五十，剝晒就多一百，囡囡個胸咁大，當然剝晒嚟玩，於是點頭答應，之後開心完多簽咗二百五十蚊，連埋服務費同加一，足足四百大元。囡囡仲要求老友畀五十蚊小費，朋友當然拒絕，囡囡即時黑面，朋友話之佢，點知出外埋單，小費欄內五十蚊一樣計埋落去，朋友即時詐型，但經理就話係呢度嘅規矩，之後就有五個男職員出嚟圍住佢，老友最後無奈照畀，但事後問個同樣幫襯完嘅客人，佢話照價畀多一百就夠晒，邊使咁多費用，擺明就係呃老友係初哥啦！所以初哥真係咪亂認呀！
地點：厚街
語錄：初哥咪亂認，認咗好谷氣，注定畀人劏，劏親一頸血。
撰文：小德