渡海濠情：性愛自由式 玩乜講即興
唔少性學家都話，如果想床戰嚟得銷魂、回味兼好玩，最重要就係事前準備充足，買定各種情趣玩具。不過澳門凱旋桑拿嘅美美卻反其道而行，覺得萬事有齊準備冇驚喜，反而玩即興先至可以有新鮮感同玩得開心喎！
Mood到就玩
性學家做咗咁多年研究，講嘅嘢自然有佢哋嘅道理，加上正所謂工欲善其事，必先利其器，曳曳前準備妥當咁就自然十拿九穩。不過美美卻話有晒計劃嚟玩係就係冇甩拖，只係大家都知道上到床會玩乜，就冇咗份驚喜。美美表示：「試諗吓，未上床，面前就擺定晒震蛋、按摩棒、按摩油等嘅情趣玩意，唔使多講都知道等陣會玩乜，你話係咪冇驚喜呢？」咁可以唔擺出嚟，咪會有驚喜囉！美美擰頭話：「唔係咁講o架！因為有時就算準備定啲玩具，去到嗰個Moment突然又唔想玩，對方卻已經拎住喺手，唔通真係唔玩咩？所以話，曳曳最緊要有Mood，唔使吓吓準備定嘅。」
刺激好Feel
話雖然係咁講，但想玩震蛋卻冇呢樣玩意喺手，到時又玩乜嘢至好呢？美美笑道：「咁你大可以同我定，因為仲有好多替代品o架嘛！譬如冇震蛋嘅話，咁咪拎部手機出嚟校咗佢做震機，然後笠個安全套喺上面，咁咪想點震都得。此外，你又可以拎條毛巾蒙住對方對眼，耍住盲雞嚟曳曳同樣刺激又好Feel。」美美仲提議大家可以試吓熄晒燈嚟曳曳，感覺同樣相當正。話時話，美美點會諗到咁多種玩法嘅呢？美美面紅道：「好簡單啫！因為我係鍾意玩即興嘅女仔嚟o架嘛！好多時突然想玩啲其他嘢，咪動腦筋睇吓身邊有乜嘢可以幫手，試得多後咪知道身邊用品有乜嘢其他嘅用法囉！」
美美小檔案
身高：5呎2吋
三圍：35、23、34
撰文：魂
攝影：章