近年美國經濟雖然處於低谷，但正所謂爛船都有三斤釘，有不少富豪級人馬，仍然係聲色犬馬，繼續淫樂。好似邁阿密最近就有間高級伴遊公司，為一眾闊太提供淫船河服務，船上嘅水手及船長都是大隻鴨仔，出到公海，為闊太們提供最貼身嘅服務，真係神不知鬼不覺！
好多富豪夫妻，其實都係各有各玩，大家只係維持表面關係，不過闊太們玩時玩，都需要玩得夠隱蔽又有名堂先得，如果成日出入鴨店，畀人見到就唔係咁好。所以呢種淫船河服務，正好符合佢哋嘅心意。表面上大模廝樣約埋一班闊太出去遊船河，其實就係出海食大鴨，簡直係賞心樂事喇！
既然做得呢類闊太生意，伴遊公司當然揀啲質素高嘅鴨仔先派出海，身材健碩唔在講，樣貌同談吐都同樣要得體，最好有船牌就更加值錢。如果無嘅就安排做水手，出到海斟茶遞水少不免，仲要同闊太搽油按摩，挑起佢哋嘅食欲，甚至要舔腳趾都無問題，絕對係服務一流嘅海鴨。
一隻遊艇通常都會安排兩三隻鴨仔，但上船嘅闊太隨時會有十個八個，所以鴨仔唔止要睇得，仲一定要砌得，大有機會出到海之後，畀成班闊太圍住，以一敵眾係閒事，仲要個個女人都得到溫飽先至係最難，事關位位闊太都係寂寞怨婦，平日無老公慰藉，難得出嚟開餐，一定會食到盡，所以做鴨真係唔易。
撰文：西太后