白衣天使畀人嘅印象，一向都係愛心爆棚，造福人群嘅美女，而日本有對現職護士嘅雙胞胎姐妹，除咗造福人群之外，更組成了一隊名叫《MariEri》嘅雙人組合，經常穿着火辣舞衣載歌載舞，更拍攝咗唔少性感寫真！呢對性感姐妹由09年出道以來，都無因為演藝事業而停止救護工作，又真係愛心爆棚，值得致敬！呢對護士姐妹組合，有樣有身材，就算唔係全職加入演藝界，都一樣有大把Fans。
阿華：@#@
嘩！佢兩個真係幾正斗，如果喺香港的話，我一定去醫院溝佢，是但溝到一個，都已經發達喇！難得佢哋入行幾年，發展都唔錯，仍然無放棄護士工作，證明佢哋真係好有愛心。
大隻：^-^
依家呢個年頭，搵到有愛心又靚女嘅女人，真係好似中六合彩一樣咁難，所以我覺得佢兩個好快就會畀人娶咗，呢啲筍貨手快有手慢冇，我都想要呀！
阿球：+~+
呢對姊妹花勝在夠純情，雖然佢哋嘅寫真都好火辣，但係鬼叫佢哋嘅正職咁純潔，真係令人好有幻想，如果佢哋以護士裝上陣，仲更加有睇頭添！
撰文：巴戟