近年接二連三出現問題食品事件，令不少人更加關注食物安全問題，但根據美國性學專家研究，有四種尋常食品，是男人嘅敗性之源，多吃一定有損性能力。所以男人留意有問題食品之餘，不妨細閱以下四種敗性食物，以後要少吃一點為妙。
不少男人都是天生嘅食肉獸，而且無肥不歡，運動量又少，自然容易積聚肥膏。而這些肥肉更有機會讓你無法剛強起來，因為內裏的飽和脂肪和膽固醇讓血管變窄，包括輸送血液至細佬嘅血管，既然充血不足，又何來可以高舉不下，再加上這些都係細小血管，最容易被堵塞。
近年很多人都知道反式脂肪，對人類健康有很大的影響，當中不少油炸物，都含有反式脂肪，例如薯條、薯片、炸雞等。這些脂肪除了令人肥胖之外，更會降低男人嘅性能力，甚至令男人不育，所以美國食品藥物管理局已着手要求所有含反式脂肪的食品需在標籤上註明。
白麵包吃起來味道的確很不錯，但從營養學角度來講，就絕對不及麥包及穀物包類。在加工成白麵包的過程中，鋅元素會損失四分之三，而對於性慾培養同埋生殖健康，鋅係最重要嘅關鍵元素。人體中鋅儲量最高嘅地方就係前列腺，所以高鋅含量嘅食品，有助防止前列腺增生，也有助性趣。
黃豆除了含豐富蛋白質之外，還有降低膽固醇嘅功效，對身體有一定嘅益處。不過近期有相關研究指，黃豆含有雌激素特質，過量攝入會提高雌激素水平，影響到男性性徵同埋性能力。所以凡事都要適可而止，如果每天大量攝入黃豆，隨時有機會變娘娘腔！
撰文：巴戟