嗱！正所謂面係人哋畀，架係自己丟。呢句說話真係一啲都冇錯！架喺自己地頭丟都算，若然喺北上梳乎時丟，仲要畀囡囡寸到應一應嘅話，咁就真係(火羅)到冇朋友。在此奉勸冇錢就唔好充闊佬，否則唔只自己乜嘢面都冇，佗累街坊就唔好啦！
話說早幾日同班老友喺東莞玩，眾人喺夜總會搵咗幾個哎吔女友後，當中一位仁兄見到時間尚早，就拉大隊去酒店食飯。本嚟一行八個人去酒店食飯，皮費都唔會貴得去邊，點知同行其中一位玩家一坐低，就叫班女隨意叫嘢食。班女見到仁兄咁豪當然唔貴唔嗌，只差在未嗌天九翅啫。呢個時候嗰位仁兄突然湊去老友耳邊，問佢帶咗幾多錢，原來佢驚冇錢找數！老友聽到後就愕然話自己都帶得唔多，絕對唔夠畀呢餐嘅錢，呢位充闊佬嘅仁兄竟然二話不說離開包廂，轉頭入嚟就叫班女唔好再嗌，而佢亦都轉點咗一啲平價菜式。原來佢出去就係同酒樓經理取消頭先點嘅菜。
如果係一班老友嚟食，咁都冇乜嘢，最慘就係同行嘅囡囡聞言後，即刻面色變晒，態度即刻嚟個一百八十度轉變，最慘就係呢位仁兄嘅哎吔女友，全程粒聲唔出，食完飯佢就拿拿臨叫呢位仁兄返酒店做服務，睇嚟佢應該好驚呢位仁兄玩完之後冇錢畀。至於其餘人等就慘喇！佢哋三個玩家食完飯就同囡囡返去夜總會度玩，因為覺得嗰位仁兄扮豪係佢嘅事，同佢哋一啲關係都冇，卻估唔到竟然畀條友牽連埋。皆因班女邊行邊唱嗰位仁兄點樣扮豪，又話佢哋以前亦見過唔少呢亭充闊佬嘅男人，仲明示暗示話老友等三人唔知係咪冇錢喺身，搞到佢哋冇晒興趣，夜總會未入就即刻每位囡囡派番兩舊水打發佢哋走，情願轉過第二個場玩，都好過喺度眼冤！
地點：東莞
語錄：扮豪充闊佬，卻冇錢找數，丟架好肉酸，拖累老友條數點算！
撰文：豆豉