剛過去一屆嘅女子足球世界杯，好多國家嘅表現都令人眼前一亮，尤其是日本同美國，更加踢出男子足球嘅水準，睇到好多球迷大讚。不過俄羅斯有隊性感女足，不但球技出色，連球衣都令男人目不暇給，一身比堅尼滿場飛，男球迷單係追波睇，都已經夠晒忙。
呢隊FC Rossiyanka，係俄羅斯女子超級聯賽嘅首三次冠軍人馬，喺國內好有名，不過因為近期資金出現緊張，再加上俄國女足嘅入場人數有下降趨勢，於是佢哋便承諾踢一場比堅尼女足賽事，藉此改變女足嘅形象，同埋吸引國內球迷捧場，重新燃起佢哋對女子足球嘅興趣。
好多男人都知道俄羅斯妹出名身材好，樣貌充滿冷艷美態，係好多男人心目中嘅性感女神，而且呢隊女足位位運動員都身材結實，一旦穿上比堅尼喺球場上滿場飛的話，梗係好有睇頭。平時睇女足個個運動員包到實，呢場比堅尼女足就完全唔同，好有視覺刺激效果，男球迷一時間，目不轉睛，都唔知睇邊個波好！
其實俄羅斯發展女足已經有好長時間，不過近年女足嘅水準有走下坡趨勢，所以國內體育官員都要想辦法，諗噱頭，將女足嘅熱情再次燃起。除咗提高女足水平之外，更要打破女足運動嘅呆板感覺，所以佢哋認為當球員穿上比堅尼作賽的時候，一定可以拉動球迷的情緒，令賽事變得刺激、緊張又有趣，更可以表現女足運動員迷人的一面，之後唔排除會搞更多類似嘅女足賽事。
撰文：西太后