根據全球性愛調查報告，發現香港夫妻平均一星期都做唔到一次愛，完全因為工作時間太長，搞到休息時間不足，有啲夫妻更寧願夜晚早啲瞓，第二朝嚟場晨操更醒神。美國性學專家話晨操絕對無問題，只要記住以下三點，就可以玩得安心又健康！
要知道一早起身，成身水分經過一晚無補充，一定會感到口乾乾，所以起身飲水係一種好健康嘅習慣，但如果呢個時候掛住做愛的話，事後就一定要記得飲多啲水，否則不但會影響健康，更會令男性性器官缺水，而不能正常地企硬，精液也會減少。所以最好就係晨操前後，都飲多啲水，令身體機能運作正常。
根據美國嘅交通意外調查報告顯示，大城市交通嘅高峰時段，有百分之四十嘅交通意外中嘅駕駛者，都係性事剛剛結束後就開車嘅！所以專家認為無論男女，做完晨操之後，最好都唔好自己揸車返工，乘搭公車更安全。性學專家認為呢啲意外，可能由於性生活後，四肢肌肉運動過度，令乳酸等代謝產物釋放增多，一時間出現痠痛、麻木等情況，結果導致交通意外。
晨早起床，如果夫妻都已有默契，準備進行一番激戰的話，就唔好再成日心掛掛時間問題，否則就會愈做愈急，有種倉卒行事嘅感覺，令性愛質素下降之餘，仲會引起雙方對性生活不滿，最終自然會引發感情問題。其次，晨操之後，最好吃些容易消化及補充快的食物，例如雞蛋、麥皮等，令體力盡快恢復，就係最健康嘅晨操喇！
撰文：巴戟