囡囡浸喺一個有水嘅浴缸裏面，原來非常性感，事關身上一定衣衫單薄，冇人會毛衣加皮褸咁浸啩？加上浸濕晒身，自然若隱若現，令囡囡身材表露無遺。今日就精選咗三位內地人氣模特兒嘅濕身照，同大家分享。
喺內地被網友封為擁有「天使面孔魔鬼身材」嘅靚女，原來冇幾多個，王羽墨絕對係其中一位。喺北京藝術學院畢業嘅羽墨，出道後星運不錯，除咗有幕前演出嘅機會外，仲接拍咗唔少平面廣告同埋雜誌寫真，咪睇羽墨平時成個古代美人咁樣，原來佢都有性感嘅一面，就好似佢呢輯出水芙蓉照，就令不少粉絲為佢瘋狂。
出生地：上海
三圍：35、24、35
身高：175cm
嚟自廣西嘅靚女雷可倪，自小就好喜歡游水，但自從到咗北方發展後，就好少有機會游到水，所以一得閒就會返屋企浸浴，享受吓被水浸泡嘅感覺，而當佢要接拍呢輯浴缸照時，正好如魚得水，可倪更索性喺浴缸大顯泳術，除咗搞到地方濕晒外，工作人員都怕咗佢整濕啲器材，但照片正好將佢性感又可愛一面表露無遺。
出生地：桂林
三圍：33、22、35
身高：163cm
嚟自北京設計學院畢業嘅文夕，絕對係知性美女嘅化身，畢業後唔做時裝設計師，反而改行做模特兒，佢話咁樣至可以將設計充分發揮，所以乜嘢衫着喺佢身上，都可以將特點充分發揮，而拍浴缸照時反而令佢有少少手足無措，一時間唔知點駕馭，亦因為有啲驚青反應，反而得到網友嘅支持，覺得佢人性化之餘亦性感度十足。
出生地：北京
三圍：33、25、33
身高：167cm
撰文：小德