夫妻生活愉快除咗需要坦誠相對，相敬如賓，仲需要健康又滿足嘅性生活支持。之不過，好多夫妻都唔能夠滿足到對方，情況喺英國亦甚為普遍。英國有健康中心早前進行過一項調查，並於二千多名成年人協助之下完成。調查結果發現，有三分之一嘅英國人寧願選擇做家務或睇書，都唔想去做愛。點解呢？調查負責人表示，原因可能係家務太繁重，令又要洗碗又要照顧細路嘅老婆分身不暇，但係老公就喺呢個時候希望做愛。跟住老婆做完家務，老公就瞓到好似死豬咁，令原本燃起嘅慾念即刻死晒火，倒不如專心做家務好過。
撰文：小德