好多男男女女熱戀之後分手，理由都係「因誤會而結合，因了解而分開」，即係話大家了解對方嘅真實一面原來唔啱自己，因而分手收場。不過，事實上好多女性對自己嘅身體都唔多清楚。美國一個叫做Summer's Eve嘅組織透過互聯網，邀請到二萬五千名女性接受問卷調查，調查主打圍繞佢哋對於性器官嘅認知，結果發現七成受訪者未能完全了解下陰各個部位嘅名稱，以及正確位置。不過又難怪佢哋，因為女性嘅陰部結構真係好複雜，而且並非完全外露嘛。既然係咁，各位嫌自己對伴侶了解不足嘅男士，不如得閒同伴侶研究研究，以增進彼此嘅感情啦。