德國北部布勞恩拉格（Braunlage）每年冬天都會落大雪，氣溫經常處於零下10度，但當地市民卻無懼風雪，甚至熱情如火，男男女女都要脫至赤條條去滑雪。因為當地每年冬天，都會舉行「裸體滑雪賽」，已經舉辦咗三年，仲一年比一年成功，參加人數愈來愈多，令大批媒體及觀眾大飽眼福。
現場所見，不只男生脫清光，只剩下三角內褲，美女參賽者也不甘示弱，大方露兩點之餘，下身只穿一條T-Back，簡直跟全裸分別不大，整條小蠻腰同埋美臀都盡入觀眾眼簾，氣氛梗係一片歡愉喇！仲有好多專程嚟(目及)嘢嘅男士，更喺場邊吶喊大叫，掃走晒成個滑雪場嘅寒意，令氣溫直線上升。
雖然呢個裸體滑雪賽吸引咗幾百人報名，但係主辦單位唔係係人都接受，一定要經過揀選同埋身體檢查，先至決定畀唔畀報名者參賽，最終大會選出三十多位男女，一齊競逐滑雪大賽嘅冠軍寶座。參賽者要滑下100公尺嘅斜坡，而身上配件只能有頭盔、鞋子同埋內褲。咁樣嘅裝備，唔止睇嘅人唔覺得凍，連滑嘅人都愈滑愈興奮，因為美好身段可以即時接受現場觀眾嘅讚嘆同鼓勵，幾凍都唔怕喇！
當然最重要係贏到比賽之後，有一千歐元做獎金，所以賽事相當激烈，好多女性參賽者為了搶快爭先，不時跌到四腳朝天、一對美奶周圍揈，睇到現場觀眾目不轉睛，更覺靚女們嘅滑稽模樣十分可愛，結果賽事就喺一片嘻鬧、歡樂嘅氣氛下圓滿結束。自從小市鎮舉辦裸滑比賽之後，呢個地方嘅曝光率大增，仲吸引咗唔少遊客添！
撰文：西太后