嗰日見老友北上返嚟鬼咁勞氣，於是問佢發生乜嘢事？原來佢早排去咗東莞某間夜總會遇到不快嘅事，唔單止冇女吔，仲要畀媽咪硬屈咗幾舊水，聽到佢咁講後，就追問邊間夜總會咁缺德。其實大家又唔好咁快打呢個場落冷宮，因為可能個媽咪另有目的。
先講吓嗰晚發生乜嘢事。話說老友嗰晚落到場，同班朋友一齊飲酒兼Mark女坐枱，本嚟玩得好開心，只係佢個哎吔女友經常出出入入，一粒鐘裏面起碼有一半時間唔見咗人。起初老友冇為意，點知飲到半夜，老友諗住帶囡囡返酒店時，哎吔女友突然話唔出街，原來佢早就答應咗另一枱客，話要陪當中一位玩家過夜。老友梗係o架啦！坐佢張枱卻係陪人哋過夜，咁佢今晚咪要食自己？即刻嗌媽咪嚟拆掂佢。點知媽咪反咬話老友冇講過話要過夜之餘，仲話若然唔係啅女嘅話，咁個囡囡咪白坐咗成晚？而佢仲要叫老友畀埋坐枱費至好走。
冇女過夜已經夠谷氣，仲要未傾掂數，媽咪竟叫個囡囡走先。老友梗係唔認數啦！媽咪話如果老友唔畀錢嘅話，就會搵保安嚟搞掂。老友見狀知道件事冇彎轉，只好死死地氣畀低幾百銀坐枱錢。有玩家話媽咪咁搞法，係咪唔驚啲人唱衰佢呢？老實講，佢咁樣做法又真係唔驚喎！唔係因為生意多到唔憂做，而係因為佢根本就係立心想搞壞個場嘅招牌。皆因有啲媽咪本身同個場唔多妥，加上佢有可能就嚟轉場關係，佢心諗反正都唔撈，點解唔乘機將不忿發洩喺個場度呢？結果就出現咁嘅情況。如果唔想再遇到，最好嘅方法就係搵熟人介紹個相熟嘅媽咪畀你，咁咪減少呢個情況出現嘅機會囉！
地點：東莞
語錄：遇着拆招牌媽咪，真想踢佢落泳池，否則道氣點下先？
撰文：豆豉