近年好多人都愛上田園生活，而美國都有唔少州份仲係以農業為主，所以好多城市人假日都會選擇去農莊度假，呼吸新鮮空氣之餘，仲可以接觸大自然。當中有間農莊就專門搞性慾旅行團，吸引一眾愛好大自然又想鋤出一身慾火嘅客人，每逢假日就可以去郊外鬆一鬆！
呢個性慾農莊，其實係 Farm Club嘅私人度假村，佢哋專門用嚟開不同類型嘅派對，無論係單身男女還是已婚男女，都無任歡迎，只需要加入Farm Club，就可以享受次次唔同主題嘅派對，入到去設於郊外農莊嘅Resort，互相交流農藝心得之餘，仲會喺大自然環境下打情罵俏，一邊鋤田一邊眉來眼去，好快就會鋤出感情喇！
呢啲度假男女，一方面享受大自然嘅環境，另一方面亦表現出人類嘅天賦本能，尤其是雙方都情投意合之時，更會齊齊搵個隱蔽位，喺大自然環抱下，努力鋤出另一片天地。男會員當然會愈鋤愈起勁，而女會員亦都不甘後人，努力配合對方嘅衝刺，務求令呢次耕種任務，可以齊齊攀上高峰。
其實好多Farm Club嘅會員，有唔少都係長期無人鋤嘅盛女，佢哋加入嘅目的，當然最重要就係搵到個有氣有力嘅農夫，同佢一齊努力開墾田地。好多寂寞難耐嘅囡囡，自從參加咗呢個Club之後，成個人都滋潤晒，就係因為塊瘦田得到灌溉，填補晒所有寂寞同空虛，試問又點會唔滋潤先得o架！
撰文：西太后