近年好多處男都喜歡夜蒲時搵囡囡嚟「賣處」，覺得比搵歡場女子高檔啲，人各有志，冇話啱唔啱，但習慣夜蒲嘅囡囡，個個挑通眼眉，見你「處味」正濃，就會走嚟問你係咪處男，你應該點樣回答至大方得體呢？教你最實用三招！
專家話一般初哥唔會咁樣回答對方，但用得呢句，就證明你夜場經驗豐富，做人有幽默感，能同女性輕易建立話題，囡囡大多數都會同你傾談落去，有下文嘅機會甚大。但如果你真係初哥，一啲都唔幽默，做人又冇乜話題，最好就唔好用呢招扮老手，否則反而會令囡囡討厭，後果可能會適得其反。
你一臉認真地講呢句話嚟回答對方，囡囡大多數都會覺得你好天真，係初出茅廬嘅小子，你千祈咪介意，事關呢個市場好大，好多囡囡都喜歡你呢類，如果囡囡事後唔借意離開，就證明佢對你深感興趣，之後喺佢面前千祈咪扮醒，要裝作乜都唔識，隨時會激發佢潛藏嘅母性，對你憐愛有加，你大可能食完兼夾拎。
專家話以上兩個都要靠扮嘢，萬一你唔慣扮嘢，可以選擇呢個答案，囡囡會覺得你好有性格，喜歡玩難度嘅可能會對你有興趣，但你要繼續保持形象，咪因為有囡囡垂青就扮晒小狗，事關囡囡睇中嘅唔係你，而係你嘅寸嘴性格，轉頭賣口乖，一定會令佢討厭，所以未離開前最好搵啲人嚟鬧吓，保持火爆性格。
撰文：祖