相信好多宅男都曾經有食過檸檬嘅經驗，所以畀女仔拒絕並唔係一件咩大事，最慘反而係女仔肯同你返屋企，但係自己又揦手唔成勢，都唔知從邊度開始，搞到最終兩個人搞極都唔埋欄，咁先至係捉到鹿唔識脫角，肥豬肉到嘴邊都食唔到。所以每個宅男家中，不妨擺定一啲情趣小玩意，先可以有備無患。不過大家唔好誤會，今日要介紹嘅小玩意，唔係咩性道具，而係一款性愛遊戲卡《Battle of the Sexes》。因為好多年輕情侶，衝動有餘浪漫不足，搞到女伴都唔多願意成其好事，萬事俱備就欠埋門一腳，喺呢個時候，最好就攞呢副性愛遊戲卡出嚟玩吓，緩和一下緊張嘅氣氛，令女伴在遊戲過程中，有機會熱身，又可以提起佢嘅性趣，一舉幾得，真係唔玩點得。