大家千祈咪以為囡囡樣靚身材好，肯拋個身出嚟，就會有大把夜場爭住請，原來你身無分文，都幾難入到行，好似喺鳳崗一帶嘅大型骨場，一個囡囡要入去做技師，單係學費同雜費最少都要四五千蚊人仔，如果冇錢都幾難做得成。
據當地資深技師小鳳透露：「新人要入嚟做學徒，首先要畀學費，因為每間骨場都有自己一套嘅揼骨功夫，無論你以前有冇按摩經驗都要重新學過，而為期一個月嘅課程，大約收你一千至兩千蚊學費不等，期間會提供十次八次嘅實習機會，大家都知道骨場咪有啲加一百蚊就有個學徒齊齊玩嘅服務，所謂嘅學徒就係佢哋，嗰一百蚊囡囡冇得分，就算貼士都冇份，除咗學費，入行仲要畀一筆保證金，數額一兩千蚊唔少得，目的就係當囡囡入職後犯錯，就喺裏面扣除。」
據講保證金係當囡囡離職時，就可以歸還？小鳳話：「骨場內有好多數，係底面兩條數，一條數係畀老闆睇，另一條數係畀經理自己睇，好似保證金並非係公司收，而係經理私下收取，目的係要方便管理，例如囡囡今個月遲到早退咗幾日，扣咗九百蚊，當下次出糧時就會由經理從收入扣起九百，填補番落保證金內，而當囡囡離職，經理們總有藉口捉囡囡錯處，務求不用退款為止，所以有機會攞番嘅機會好少。另外，伙食費、制服費，梳化費等一籮籮，冇錢真係好難入行呀！」
地點：龍崗
語錄：囡囡入行要有銀，離職攞番唔使諗。
撰文：小德