玩家A慕名去塘廈某間五星級骨場幫襯，點知門口嘅知客話畀佢聽呢度冇色情服務，佢即時打電話落嚟問介紹佢嘅老友。老友答話問佢哋一定否認o架啦！要幫襯就直接打電話畀訂房經理，玩家A照電話一撥，馬上有下文！
話說家陣嘅桑拿場，投資吓吓幾千萬，公開自己有色情勾當，後台硬極都分分鐘賴嘢，畀人拉人兼封艇，幾千萬付諸流水，於是色情服務只能夠秘密進行，骨場門面係桑拿浴室，客人要幫襯就要先搵訂房經理，當客人嚟到時，就安排骨場嘅囡囡上房，就算客人落桑拿場揀女，由於佢哋最後交易都係上酒店房進行，就算碰上掃黃行動桑拿場都唔使上身，而酒店亦因為租房畀客人，佢哋喺裏面做乜都管唔到，於是雙方都可能不需負上刑責。
至於囡囡同客人拉到就一定受罰，但最低限度酒店同桑拿就唔使上身，而關鍵人物嘅訂房經理，原來佢唔係桑拿同酒店嘅職員，嚴格嚟講，佢獨立運作，只係一個「蛇仔」，負責幫骨場搵客，萬一放蛇拉到呢個經理，骨場同酒店都一樣唔使上身，而做得呢個訂房經理，自然要承擔好高嘅風險，因為一切宣傳同客人聯絡都係佢出面，一有事點都走唔甩，但據講佢哋收入十分可觀，每個客人可以抽到五至十個巴仙嘅佣金，每日一百個客，隨時執幾千蚊閒閒哋，所以大把人爭住做。
撰文：小德