接吻係男女之間傳遞愛意最直接嘅方法，所以你點樣同伴侶接吻，就表現咗你對佢嘅愛有幾深，根據美國接吻專家分析，如果想給愛人一個深刻嘅吻，就必須注意以下重點，尤其是性急嘅男人，更加要學習一下，讓甜蜜的吻令雙方感情更進一步。
美國專家認為突襲對於大部分女人嚟講，起初都會感到抗拒，但如果選擇適當嘅地點，例如電影院裏突然吻她一下，或是趁着游水嬉戲間、趁着她不留神之際等等，突然給她一個輕吻，定會令她既驚且喜，更有種興奮難耐嘅感覺。女人對於突然而來嘅吻，好容易會措手不及，所以即時間應該無咩反應，但事後，卻會愈來愈回味。
伴侶一起生活嘅時間愈長，關係反而會愈來愈生疏，因為大家都當了對方是理所當然，不會花時間去溝通和了解，甚至連對視嘅時間都無。所以接吻嘅時候，不妨花些時間眉目傳情、雙目交匯，而在接吻過程中，不妨用眼睛配合動作，傳達情深嘅愛意，自然會令這個吻更加蕩氣迴腸。
十個男人十個都鍾意濕吻，所以好多急色男一接吻就急不及待用舌頭進攻伴侶，不過專家認為太快用舌功，會破壞了接吻嘅浪漫氣氛，令女人感到對方太急進。所以不妨以守為攻，不要全程主導，引誘伴侶作出反攻，先至係最美妙嘅接吻，全程互有攻守，令接吻變得更有樂趣及刺激。
撰文：西太后