最近台灣電視節目《麻辣天后宮》進行選舉，希望可以選出最具特色嘅月曆女郎，呢班女郎全部都化妝成厲鬼模樣，真係好得人驚，好鬼邪門。呢班台灣美眉，扮成如此美艷動人嘅厲鬼，相信會吸引唔少男人。其中有女郎嘅冷艷美照更讓人盛讚，台灣人一向迷信，所以今次呢個性感厲鬼月曆真係好有噱頭，令到好多原本信邪嘅台灣宅男，都要買個咁索嘅月曆返屋企，但係一定要偷偷哋，唔好畀屋企人知先得。
小柯：（^v^）
雖然我真係唔知咩叫鬼，不過見到咁多正斗台灣妹，就一定要買個睇吓喇！就算無用都可以當係寫真睇，依家啲台灣妹隨時正過日本妹，一定有睇頭喇！
小白：（#o#）
我就唔制喇！咁鬼邪門，成個月曆買番屋企，就算幾靚都好，我都唔會將佢擺喺房，萬一真係招咗啲污糟嘢返嚟，到時唔知點算，隨時應驗咗色字頭上一把刀。
沙膽：（+_+）
你真係生人唔生膽，我沙膽見過唔少污糟嘢，你唔搞人人哋係唔會搞你，況且呢班台灣妹都係搞噱頭，扮吓性感扮吓冶艷，一啲都唔似鬼，所以點樣可以招到鬼呀，招到鹹濕鬼就有！
撰文：巴戟