日本女僕餐廳已經玩咗好多年，估唔到呢股旋風最近先吹到去美國，不過此餐廳不同彼餐廳，事關大家揀女嘅方向出現嚴重分歧！早前底特律出現首家女僕餐廳，侍應們學足日本，一身粉紅漫畫式女僕裙，親切地以「主人」稱呼客人，可惜侍應們嘅身形同樣貌遠較日本女僕餐廳遜色，甚至可以講係豬扒侍應，令客人們大感吃不消。東施效顰始終吃力不討好，底特律嘅女僕餐廳「 Chou Anime Cafe」明顯想行一條出位路線，既然靚唔過人，就一於醜到盡，務求可以製造宣傳效果，部分網民更封餐廳為「全美最危險女僕餐廳」。
查理：+o+
女僕餐廳已經玩咗好耐喇，依家先玩係要諗諗新意思，既然鬥靚唔得，鬥醜就一定得喇！美國咁多肥妹，隨手都請到一籮喇！佢呢條橋真係唔錯。
文治：o_o
我覺得用醜女侍應做噱頭，的確可以收到一時之效，不過長此下去，我恐怕都係趕客比較多，試問邊有男人成日鍾意見到咁醜嘅女侍應，趁墟睇一兩次就得！
肥雄：#v#
我自己嘅身形雖然都好有分量，但係我都唔鍾意肥妹，事關一對情人，一個肥已經夠喇！兩個肥人行埋一齊，好似座山一樣，自己都覺得唔舒服。
撰文：巴戟