最近有老友話一啲骨場老總又有新招嚟呃公司錢，話說近年請人困難，所以公司出動豐厚嘅獎金嚟吸引員工，只要佢哋介紹啲親友嚟做技師，做足一個月嘅話，就可以攞到特別獎金，一般由五百至一千不等，但講真，邊有咁多親戚朋友介紹吖！
公司制度定咗喺度，但就冇乜人攞得到，最唔舒服嘅當然係一眾老總，事關獎金係老闆特別攞出嚟，唔會喺生意收入裏面扣除，所以唔影響到佢哋嘅佣金，於是就有人想食埋呢舊錢；而一般骨場嘅新人，除咗員工介紹之外，最常見就係自己摸上門見工，而且好多時係佔大比數。喺淡水有好幾間場嘅老總，話明有人摸上門見工，要交某主任負責，而呢位主任會叫見工嘅囡囡留低資料後，就打發佢哋走，之後就會搵幾個同籍貫嘅技師同囡囡接洽，話係老鄉可以做中間人，就免好多苛捐雜稅。
見工嘅囡囡不防有詐，大多數都會答允合作，於是第二日技師就會帶同囡囡上公司見工，老總再出嚟打個圓場，見工嘅順利見成工，千多謝萬多謝，做咗一個月之後，老總同負責介紹嘅囡囡，就可以瓜分獎金，一般會同老總平分，囡囡做場戲就多幾百蚊收入，當然冇問題，而且又多個同鄉姐妹埋堆，百利而無一害！至於老總一個月有得幾十個新人，個個都經呢個方法入公司，老總搵多冇一萬都有八千，而且搵得新人愈多，老闆愈讚賞佢，連帶其他收入都會水漲船高，真係發到豬頭咁樣。
地方：淡水
語錄：新人獎金好吸引，上門新人當親戚， 做足一月大家分，老闆無知被人昆。
我對台灣妹真係又愛又恨，愛佢哋好識得冧男人，又恨佢哋手段好厲害，男人一旦黐上身就好難甩身，所以我奉勸各位男士，台灣妹都係好睇唔好食，好似呢件雞扒妹一樣。
我覺得凡事都有辣有唔辣，識得冧男人嘅女人，梗係難甩身喇！不過我唔怕畀女人綁住，如果佢有呢件雞扒妹咁正斗，我又唔怕啫！最慘就係畀件豬扒妹食住！
我成日上網，好耐之前都見過呢件雞扒妹，覺得佢真係好識得運用互聯網嘅威力，同埋好識得運用自己嘅天賦本錢，所以佢冇可能唔紅，係時候買定佢啲寫真，第日隨時有得炒！
撰文：小德