巧立名目呢啲嘢邊度都有發生，就連色慾夜遊服務都經常搞啲咁嘅嘢，好似早輪出現嘅陪睡保母、過夜清潔服務、成人電腦輔導員等，統統都係掛羊頭賣狗肉。不過講到最騎呢，又讓人摸不着頭腦嘅話，就要數近排喺南寧出現嘅生活指導服務喇！
老實講，生活指導呢四個字，驟眼睇落去都唔知係乜嘢嚟，有人更抓頭反問生活乜要指導嘅咩？唔通係指導你幾點起身，幾時去食飯，邊個時候去廁所？咁奇情嘅服務，真係邊度會有人聯想到佢同色慾服務有關呀！有試過嘅巴打就話，當時佢喺屋企門罅度收到張咁嘅卡片，都係唔知佢噏乜，而佢當時以為係嗰啲健康食品嘅廣告，八卦之下就打電話去問吓。對方同佢講，所謂生活指導服務，就係佢哋會派一個啱玩家心水嘅指導員上門，為佢解決一切生活上嘅煩惱，當中更有生理諮詢服務咁話。哦！講到呢點巴打就開竅，忍唔住爆番句：「咪即係應召囡囡服務囉！」
對方聽到巴打有興趣，就表示可以即刻帶指導員上嚟畀佢過目，巴打一支公喺南寧咁耐，都未試過囡囡送上門，梗係叫佢即刻嚟啦！一個麻甩佬加五個囡囡，唔使三個字就上到嚟，巴打話五個囡囡，有三個都食得過，即刻留低一件，另外兩個叫對方留定畀佢。跟手佢口多多問對方，點解要搞到個名咁騎呢？對方笑稱因為呢啲卡片唔知會落喺邊個人嘅手，萬一落喺啲玩家隻乸度，玩家都可以拗得掂，最多咪話唔知係乜嘢服務，想拎去問吓人都得喎！講到服務方面，巴打就話都係嗰啲嘢，只係多咗樣就係可以Book佢哋一個禮拜，定時定候送上門曳曳。只不過佢話呢啲囡囡食過就算，有機會嘅話情願換過第二個。
地點：南寧
語錄：騎呢名目邊個明，個名古怪又奇情，打個電話心水清，真係考玩家反應！
撰文：魂