如果呢期有仁兄北上，或者有留意網上玩家包膠嘅話，都知道家陣東莞嚴打緊，尤其係嗰幾個大城鎮，更係風聲鶴唳，唔單止啲場畀人掃、畀人查，連唔少巴打玩完之後，會去打個白鴿轉嘅碟舖，都畀人掃得乾乾淨淨。唔單止巴打搵食艱難，囡囡更係苦過弟弟呀！
其實嚴打呢兩個字，已經常出現喺玩家嘅視線中，之前就話有新官上場同搞運動會，打得乾乾淨淨都好正常，只係家陣乜嘢都冇，點解又要打呢？有玩家分析指，應該係同早排某個夜遊大鎮，發生骨女喺酒店房度，全身赤裸暴斃有關。為咗可以整頓治安，於是就順便搞一搞佢。不過睇番以前嘅慣例，呢啲嘢好難會搞到成個市都要嚴打，最多只係掃嗰一兩撻地方而已，故此相信並非主因。咁最重要嘅原因係乜嘢呢？有小道消息就指，應該係同搞緊嘅地方評核有關係。須知道東莞呢個夜遊性地，幾乎係舉世聞名。為咗做好個報告，兼且唔好畀人捉到痛腳，掃乾淨係意料中事，因此有人話預計應該要掃到去十一月初，真係信不信由你。
其實對玩家嚟講，嚴打都唔算太傷，因為玩少陣都冇乜所謂，最多咪轉過個場玩囉！不過對囡囡嚟講就比較麻煩啲，有嚟自成都嘅囡囡就話，呢輪嘅嚴打真係勁麻煩。皆因經過兩年嘅嚴打後，好多高質嘅囡囡已經唔再南下，有啲更係已經搵到碼頭，出國跑外匯，有啲甚至轉行做生意，好似呢位囡囡咁，佢就打算留喺鄉下搵食。問佢今年只係廿歲啱啱出頭，會唔會等風聲冇咁緊時，再南下搵食呢？因為以佢嘅姿色應該唔使愁。佢笑稱依家內地都有好多豪客，唔使再貪港客荷包，就算佢真係要做，都未必會返嚟喎！
地點：東莞
語錄：年年都嚴打，打到乜都瓜，囡囡話怕怕，情願返鄉下。
撰文：魂