近年有留意內地新聞嘅朋友，一定對「富二代」唔會陌生，佢哋恃住屋企有錢，不學無術，蝦蝦霸霸，一有啲乜嘢事就掟父母個名出嚟，但最近中山就有骨場，標榜佢哋嘅囡囡當中有批富二代，又會咁嘅？
大家冇聽錯，唔係富二代嘅公子嚟骨場玩，而係有富二代嘅囡囡喺骨場打工。第一次聽到呢個消息時，覺得有冇搞錯，人哋富二代大把錢，點會嚟骨場打工，但諗深一層又唔係冇道理，如果佢哋遇到啲小白臉拖鞋王，氹得兩氹呢啲無知少女，就會好易落入色情販子嘅手上，到時要佢哋做乜都得！所以又唔會冇可能，於是就叫熟悉當地嘅老友幫手調查，發現呢間骨場嘅技師當中，一組就叫做「富二代」，據講該組十幾個囡囡當中，真係有過半數係所謂嘅富二代，老竇老母身家大把嘅千金小姐。
其餘嘅囡囡都唔差o架！雖然唔係大有錢女，但父母都係大公司嘅骨幹成員，佢哋嘅故事同其他風塵囡囡差唔多，父母掛住工作，無時間照顧或者用錯方法照顧佢哋，於是與家人反目，日日夜夜喺街上流連，最後誤交損友於是就身陷風塵。問佢哋點解唔返屋企？十個有九個都話父母唔接受自己啲朋友於是要自力更生，好老土嘅故事。至於客人方面就覺得十分新鮮，因為可嘗嘗大家閨秀，所以呢期「富二代」嘅囡囡十分搶手。
地點：中山
語錄：賣身為知己，真係嘥鬼氣！
撰文：小德