如果閣下係有番咁上下資歷嘅電玩迷，就一定聽過15年前喺SS上推出過嘅超人氣電玩《Odin Sphere》。憑住超出色嘅遊戲性、獨特嘅畫風同華麗嘅戰鬥場面，深得電玩迷嘅心，因此喺07年推出嘅翻新作，人氣同樣相當勁。而今次介紹嘅呢位蘿莉小魔女薇爾維特，就係嚟自呢個作品其中一位相當受歡迎嘅角色。
外號「亡國公主」嘅薇爾維特，唔單止個樣相當有蘿莉味，而且身材更係玲瓏浮凸，先唔講佢對竹筍形車頭燈有幾正，單係佢條蛇腰，已經讓唔少男士流晒口水。不過講真，如果要數佢最吸引嘅地方，卻非佢對絲襪美腿莫屬。一對誘人美腿已經夠晒啜核，襯埋條性感小底褲更係正到爆燈，絕對係個養眼度極高嘅作品！
全 高：約250mm
售 價：約HK$998
暫定發售：2012年12月
撰文：魂