最近有老友投訴，話佢去西鄉搵朋友敍舊，飲飽食醉之後就諗住幫襯吓當地嘅休閒中心，門口寫明按摩一百蚊三粒鐘，點知入到去至知係間黑店，除咗收費黑、經營黑之外，就連技師同經理嘅面口都特別黑，最後唔幫襯走人都要畀錢。
老友話佢上星期去西鄉探個舊同事，探完後正想返深圳繼續節目，但見當地有好多大大小小嘅休閒中心，於是就上咗其中一間，門口寫明一百蚊三粒鐘，佢都唔係蠢，心諗邊有咁平？預算百六七蚊就有推油出火套餐，點知門口經理話想推油就要兩百一十八蚊，等同深圳嘅靚場收費，老友心諗唔入都入咗嚟，就見識一下，於是經理就安排佢直接入房。老友問點樣揀女？經理叫佢先沖個涼休息，稍後就會安排囡囡入房畀佢揀，保證揀到啱為止，老友就大安旨意走入浴室沖涼。
老友沖完涼出嚟，都未見有囡囡到，於是打電話去前台催，等咗五分鐘，終於有人敲門，經理帶咗五六個豬扒入嚟，老友即時彈晒佢哋走，經理已經有啲黑口黑面，之後再帶多四五個入嚟，比起之前嘅仲醜，老友想再彈，但經理搶先開口，話全場係得咁多囡囡，擺明焗佢就範，但老友亦唔係善男信女，於是話唔幫襯，點知經理大大聲咁話唔幫襯都要畀沖涼費，老友當時圍住毛巾，明顯係沖咗涼，最後牙筋都赤埋，畀咗60蚊沖涼費至走得甩。奉勸大家，唔熟悉嘅場真係咪亂嚟呀！
地點：西鄉
語錄：醜女當貂蟬，焗客把數填，想走唔便宜，留下買路錢。
撰文：賢