去旅行搵靚景影靚相係指定動作，而對好多裸體愛好者嚟講，搵一個好地方剝光豬之餘，更愛幫自己影埋靚靚裸體寫真。美國有個旅遊網，推選出三個值得一去同喺嗰度影裸照嘅地方，而篩選嘅條件就係一定要裸得合法，同埋個景真係要正，結果邊個地方成為影裸體寫真嘅首選熱點呢？
講到影靚相，梗係唔少得陽光與海灘，尤其係對裸體愛好者嚟講，喺海灘度邊剝光豬邊曬日光浴，再拎部相機出嚟留低美麗嘅一刻就更加Perfect。既然想喺裸體海灘影靚裸照，當然首推法國Cote Vermeille嘅Le Cap d'Agde啦！因為呢度唔單止水清沙幼，附近又有齊酒店同度假村等嘅設施，方便裸體愛好者入住，留喺度玩夜拍都冇問題，最重要就係呢度經常有唔少索模出入，話唔埋有機會睇到佢哋嘅三點o架！
講到影靚相，梗係唔少得陽光與海灘，尤其係對裸體愛好者嚟講，喺海灘度邊剝光豬邊曬日光浴，再拎部相機出嚟留低美麗嘅一刻就更加Perfect。既然想喺裸體海灘影靚裸照，當然首推法國Cote Vermeille嘅Le Cap d'Agde啦！因為呢度唔單止水清沙幼，附近又有齊酒店同度假村等嘅設施，方便裸體愛好者入住，留喺度玩夜拍都冇問題，最重要就係呢度經常有唔少索模出入，話唔埋有機會睇到佢哋嘅三點o架！
匈牙利布達佩斯嘅土耳其浴場出晒名，裝修相當有土耳其風格之餘，每間浴場亦各具特色，想要金碧輝煌嘅又有，想玩人文氣息嘅佢亦有，加上浴場內打正旗號剝光豬，唔怕引嚟不必要嘅尷尬，影相真係正到爆！可能有人會問，如果同女友去到想影靚相，若然男女要分開嚟沖嘅話，咁咪冇得幫佢影囉？唔緊要，事關近年當地出現好多男女混浴嘅土耳其浴場，蜜友拍住拖入去都冇問題。
有啲裸體愛好者唔鍾意沙灘，反而鍾意喺綠油油嘅草地上，剝光豬曬太陽，如果係咁嘅話，位於德國慕尼黑嘅Englischer Garten就可以滿足到你嘅需要！喺公園度剝光豬，驚唔驚畀人拉呀？唔使擔心，因為呢個地方早就已經成為裸體愛好者嘅熱點，唔理係咪假日，都有唔少天體愛好者嚟呢度曬太陽，加上公園內有條清澈見底嘅河流，有啲裸體愛好者就最鍾意落水玩餐飽。如此風光如畫嘅公園，難怪被選為影裸照嘅最佳地點之一啦！
嫌上面嘅選擇好普通唔夠激？呢個網站就推介一個極度冰寒嘅地方畀各位裸體愛好者，呢個地方就係美國嘅阿拉斯加嘞！雖然冬天嘅阿拉斯加，溫度可以低到攝氏零下三十度，但呢個網站就話，阿拉斯加嘅冬天相當靚，冰天雪地一片白茫茫同白色嘅樹掛，環境好似仙境喎！唔知你夠唔夠膽喺咁嘅天氣下剝光豬呢？
撰文：魂