日本人氣動漫《一騎當千》相信對各位動漫迷嚟講一啲都唔會陌生，皆因作品中露半球同晒底褲嘅場面多多之餘，一眾女角更係索到爆燈，真係百睇不厭。只係有關嘅模型嚟嚟去去唔係孫策百符，就係關羽雲長，有啲人覺得已經有啲厭。因此，今次就為大家帶嚟呢位較為冷門，卻同樣養眼度極高嘅新作，佢就係張飛益德嘞！
先唔好問點解翼德會變咗做益德，點解話呢個模型較為冷門呢？皆因佢算係呢套作品中，模型出得最少嘅一位。不過少唔代表唔正，今次張飛益德就以魔女造型登場，賣相Kawaii得嚟，露底兼爆乳嘅造型，已經搶晒一班師姐嘅「峰」頭！加上模型仲用咗可以剝衫嘅設計，只要將佢套魔女衫一除，益德即刻露底兼晒釘，真係睇到流晒口水呀！
全高：約180mm
售價：約HK$844
暫定發售：2012年12月
撰文：魂