倫奧會落幕，邊個國家有幾多獎牌相信冇乜人謹記，但嚟自各國嘅靚女運動員，就一定令人留下深刻印象，好似美日韓三地，就有令人難忘嘅體育女神出現，個個都有資格做明星，至於網友心目中係邊幾個？依家就同大家公布。
嚟自日本體操隊嘅田中理惠，喺今屆嘅表現真係光芒四射，更被網友喻為日本最靚女運動員，據講佢好大可能倫奧後退役，而日本方面有消息傳出有娛樂公司準備以五千萬日圓簽佢做藝人，更會火速推出佢嘅泳衣寫真集，睇嚟佢入硬娛樂圈，今年25歲正值輕熟女嘅理惠潛質極高，人氣自然日益高企。
代表：日本
項目：體操
年齡：25歲
身高：156cm
嚟自韓國嘅藝術體操隊嘅女將孫妍在，今年啱啱18歲，喺倫奧成績不俗，但其實佢早就已經半隻腳踏足韓國娛樂圈，經常出席電視節目同埋喺大型晚會擔任演出嘉賓，佢接拍嘅廣告同代言更係數都數唔晒，早就係韓國炙手可熱嘅運動明星，再經今次倫奧轉播，將佢天真可愛嘅笑臉讓全世界人知道，相信好快成為國際巨星。
代表：韓國
項目：藝術體操
年齡：18歲
身高：162cm
美國女足門將Hope Solo，我哋譯做蘇露，計埋今次足足攞咗三屆冠軍，所以喺美國早就已經係家喻戶曉嘅運動明星，搵佢拍嘅廣告同代言，真係多不勝數，佢仲周不時上電視清談節目同做客席主持，相信佢攞埋今次金牌，加上已經31歲，例必退下火線，轉戰娛樂圈嘅機會極高。大家咪睇佢成三張嘢，打扮起嚟都好掂o架！
代表：美國
項目：足球
年齡：31歲
身高：175cm
撰文：祖