渡海濠情：熱吻要踎監？嚇破膽！
男女親吻係好平常嘅事，但喺墨西哥嘅瓜納華托州，情侶如果當街親吻，會畀人拉上法庭，最後仲被判違犯道德操守罪，踎足12小時監外，仲要罰款480港元。嚟自澳門龍會嘅芳芳睇到呢單新聞，大叫有冇搞錯？
永無休止
芳芳話：「我雖然16歲至初戀，17歲至初吻，但自此之後，就經常同男朋友當街當巷錫嘴仔，特別係兩個人情到濃時，就會熱吻一番，期間更難免舌戰連場，但如果咁都要罰，我睇我哋會好唔得閒，日日踎監都似，因為我哋一見面就會熱吻，跟住畀人拉，坐完監出嚟見面又熱吻，熱吻完又坐監，咁真係會永無休止。家陣熱吻真係好平常，好似我哋喺街親嘴，記得幾年前都有人停步𥄫吓，但現在連小朋友行過都唔理你，簡直當我哋透明，既然完全影響唔到人，我哋又何罪之有呢？」
據理力爭
芳芳愈講愈激動：「計我話呢條法例，主要唔係為咗保持道德情操，而係方便罰錢，一啲警察就以抄牌嚟交功課，我睇當地就以捉情侶接吻嚟交功課，咁都無可厚非，但你罰款就算，家陣仲要踎監，就真係有點太過囉！」大家咪睇芳芳斯斯文文，原來講起道理嚟據理力爭，而且得勢不饒人，讀書時唔係掛住拍拖睇嚟一定做硬律師，芳芳話：「我識好多律師朋友，有時佢諗唔掂啲答辯辭，都會搵我幫手o架！」睇嚟芳芳好快會改行做律師太，事關佢能言善道，絕對係個出色嘅賢內座。
芳芳Profile
年齡：22歲
三圍：33-23-34
撰文：小德