生活定格：群戰遊戲

情趣玩具當中有唔少有味遊戲。不過，呢類遊戲通常都只係畀一對男女玩樂，如果想喺派對當中玩就唔得喇。然而，最近推出嘅Tease Board Game就可以畀多至六個人一齊玩喇。呢款五十年代美國漫畫風格嘅紙板遊戲同一般嘅大富翁遊戲一樣，玩法都係擲骰仔決定前進步數，亦有類似「機會」同「命運」嘅一格，畀玩家抽出卡牌。而每一張卡牌同紙盤上嘅每一格都有獎勵或懲罰，獎勵包括可以錫你嘅對象一啖，而懲罰就可能係剝去佢一件衣物，或者同時畀兩個人摸胸等等，嘩！諗諗吓都係唔好一班人玩，以免自己嘅女伴畀其他人抽水。