淡水有間桑拿場，為咗諗個令人難忘嘅活動名字而絞盡腦汁，最後見電視宮廷片咁火熱，於是就將全部囡囡改為後宮佳麗，按唔同質素由秀人開始一直至到王妃，本來都好平常，但為咗配合妃子嘅形象，老總竟要啲男經理主任全部做晒太監。
唔通要啲男經理同主任全部引刀成一快？個個練葵花寶典？大家又唔使擔心，打工啫！唔使搵命博嘅！啲男經理同主任只係稱呼上全部叫某某公公，某某總管，而老總自然就係大內總管啦！而且見到客人或者妃子時，更要以奴才自稱，真係中晒電視劇嘅毒，客人聽見當然覺得過癮，而返工嘅囡囡都一樣覺得好好玩，但要叫啲經理主任做公公，唔係所有囡囡都可以，一定要升到上妃子級以上嘅囡囡先至可以有權咁叫，可以話同宮廷內嘅禮數差唔多。
至於囡囡嘅分級，受訓嘅就叫秀女，初級嘅就叫常在，高一級嘅就叫貴人，再高一級就叫嬪妃，即係見習妃子，但仍未到妃子級別，公公們可以呼喝這些囡囡，跟住就係妃子、貴妃同埋王妃，而王妃就係最高級，全場都要以佢為尊向佢行禮。呢間骨場就只有四個王妃級嘅囡囡，質素自然最高，而客人就係皇上，想要乜嘢囡囡，就要同公公商量，之後再由公公安排入房，客人真係皇帝級享受，但記住係冇龍袍着，大家都係着平時嘅衫，全部都只係幻想一下，但好多人都話好好玩，值得試吓。
撰文：賢