最近收到風話東莞一帶嘅骨場，要求囡囡一入房，先跳15分鐘鋼管舞，令客人睇到三魂唔見七魄之後，先至再進行其他服務，聽落好似好吸引，但有幫襯過嘅老友投訴，囡囡嘅舞技真係好差，唔好話性衝動，可能仲會睇到反胃添。
點解會搞到咁大鑊呢？據資深骨友富哥透露：「啲囡囡十個當中有九個都唔係專業舞蹈員，要佢哋就咁跳脫衣舞都有難度，何況係跳鋼管舞？要跳鋼管舞就一定要接受訓練，唔係揸住支鋼管就可以跳得到。」但公司規定囡囡冇得詐型，一入房就要跳15分鐘。富哥話：「肢體柔軟嘅囡囡，扭吓屁股或者攞條鋼管磨吓磨吓都幾好，但成十幾分鐘都係咁磨，悶都悶死，何況有好多囡囡肢體硬過條鋼管，扭都扭唔到，加上黑口黑面，真令人反感。」
客人有投訴，老總們就要求囡囡增加一啲難度動作，即係要佢哋喺支鋼管度，轉動吓身體或者做啲倒掛金鈎，而令人反胃嘅嘢，就係喺度發生。富哥話：「我同朋友都有過呢個經歷，就係囡囡啱啱食完飯就開工，跟手入房跳舞，最後仲玩埋倒掛金鈎，凌空一翻，除咗倒奶，仲倒埋個胃，啱啱食過嘅回鍋肉、辣子雞丁、麻婆豆腐全部洶湧而出，唔好話性趣，就算換咗房，再見返囡囡個樣，真係連自己都想嘔，絕對係反胃。」
地點：東莞
語錄：骨場增設鋼管舞，技巧欠佳觀眾冇，倒掛金鈎把胃倒，一地都係離晒譜。
撰文：小德