好色男：*~*：最近內地網上瘋傳一位穿短裙吊帶裝嘅女仔，在超市內隨意選購物品，自得其樂，不過佢條短裙剛剛夠遮掩臀部，搞到若隱若現咁樣，非常性感。由於佢嘅衣着喺內地來講，實在太暴露，經常引起市民圍觀，並且不斷拍攝，她也不以為然，任人舉機拍攝。有人將相片放上網，立即引來不少網民熱烈討論。我好色男就覺得問題不大，只是內地人少見多怪，在外國嘅女人性感過佢多多聲，所以我覺得內地是時候接受新事物，女性也應該有自由穿衣嘅權利。
大吉：^v^：我都好贊同好色男嘅見解！每個人着咩衫出街都有佢哋嘅自由，只要唔係赤裸裸就得喇！對於我嚟講，女人着少啲梗係着數啲！起碼我哋出街都多好多嘢𥄫。香港女仔一向比較保守，就算大熱天時，都唔會着得太性感，所以港男好無眼福。如果我女朋友有身材有本錢的話，我都唔介意佢着得性感啲，佢多人望即係代表索，做佢男朋友自然有Face喇！
阿寶：#o#：我覺得依家呢個社會已經好開放，唔需要再挑戰底線，如果女仔着得太性感出街，只會引人犯罪，對自己嘅人身安全毫無保障，尤其是夜歸嘅時候，香港近期都發生幾宗好離譜嘅強姦非禮案，所以我覺得女仔為咗自己着想，就唔應該着得太性感，除非有工作需要就另計。如果想𥄫女咪去沙灘囉！使乜咁辛苦周街搵啫！
森美：+_+：我一到夏天就會去沙灘(目及)女o架喇！依家啲女仔好鍾意着三點式，真係益晒我哋啲男人，不過話又說回來，我都唔贊成女仔去超市都着到咁性感，都唔知博乜，如果我女朋友係咁樣，我實同佢吵大鑊。除非真係發花癲，發男人姣，先至要着到咁樣啫，所以我覺得呢條女唔係黐線就係發花癲！