性在有排數:台灣未來性感新星

台灣有電視節目每逢廣告之後,都會搵靚女嚟負責舉牌,表示節目己經進行到第幾節,所以囡囡成晚出場只有三四次,但不知幾多囡囡爭住做,事關當紅性感偶像安心亞,就係由舉牌女郎做起,而芸芸後起之秀中,呢三位絕對不容忽視。

第一位:張瑋庭

英文名叫Bebe嘅張瑋庭,參與呢個節目嘅時間好短,但由於樣子特別,表情多多,特別令人留意。Bebe樣子鬼鬼哋,原來佢有四分之一美國血統,加上身材火辣,所以除咗做節目,外間不停有工作畀佢做。Bebe除咗拚搏,交際都好有一手,所以深受製作單位歡迎,令佢工作不斷,人氣急升,係咁多女郎當中最具實力人物。

年齡:20歲

三圍:32C-25-34

身高:160cm

第二位:趙辰祥

英文名叫Aniki嘅趙辰祥,參與呢個節目都有一段日子,最近更分配到一啲有對白嘅角色,睇嚟都好快會上位,而且除咗做呢個節目,喺外面Aniki一樣大把世界,經常接模特兒同埋出席活動嘅工作,所以照片不斷曝光,人氣高企,加上佢樣子可愛,身材適中,拍攝時更一啲都唔錫身,深得龍友歡迎,下一期性感偶像非佢莫屬。

年齡:24歲

三圍:32C-24-33

身高:160cm

第三位:糖糖

糖糖嘅英文名叫Candy,據講仲讀緊書,所以只係客串性質,但由於阿妹樣子甜美,深受電視觀眾嘅歡迎,更為佢組織粉絲團,未成名就有粉絲團,相信只有佢咁本事。又難怪嘅,Candy樣子可愛,身材玲瓏浮凸,令人眼睛大吃冰淇淋,想唔受歡迎都難,最近更開始踏足模特兒界,所以大家都一致睇好。

年齡:20歲

三圍:32D-25-33

身高:163cm

撰文:祖