十個男人十個都鍾意女人上得大床，出得廳堂，所以女伴喺床上愈難應付，男人愈係死心塌地，乖乖留喺屋企，唔會四圍滾。究竟十二星座中，邊啲星座床上功夫最到家，根據美國某成人雜誌的調查統計，以下三個星座就係常常令男人唔捨得落床嘅難纏對手。
試過同白羊女談戀愛嘅男人，都應該知道白羊女有幾衝動同埋幾熱情，佢哋嘅慾火好容易一撻即着，又好容易投入熱戀當中，絕對係床上最佳情人。佢哋一旦慾火高漲，就會立即搵情人幫手降火，唔會因為怕醜或者保持女人嘅矜持而忍下來。佢哋通常對性愛都係興致勃勃，就算工作幾忙碌都好，返到屋企見到情人，都會忍唔住體內嘅衝動，同情人親熱一番，咁先至可以回復番理智。
獅子女一如其名，擁有無上權威，鍾意發號施令，就算上到床，一樣鍾意做主導角色，所以男人遇上獅子女，大可以偷懶，由得佢哋喺床上騎上騎落，自己不費吹灰之力，就可以好好享受。獅子女除咗騎乘功夫到家之外，仲會主動提出性需要，對於自己嘅性慾，絕對不會隱瞞，所以男人對住獅子女，絕對不怕食唔飽，反而要擔心一下自己嘅性能力，是否可以滿足女伴要求。
人馬女係一個好嚮往自由嘅女性，佢哋喺性方面係重質唔重量，對於每次做愛嘅質量要求都好高，男人對住人馬女，真係有啲壓力，尤其是當性愛已經進行到一半嘅時候，人馬女仍然未有高潮的話，就會隨時畀人叮落床，或者露出不滿的神情。所以同人馬女上床前，最好了解清楚佢哋喜好同特性，以便一擊即中，就唔會畀人埋怨，同埋無下次喇！
撰文：西太后