大隻仔：@o@：早排睇新聞，英國林肯郡有位叫蘭丁嘅廿歲索女，因為自己得對B-Cup車頭燈，因此覺得自卑。點知喺佢決定隆胸、重拾自信之前，走咗去參加模特兒比賽，結果竟畀佢攞咗冠軍，於是佢決定唔隆胸，皆因佢已經得回自信。其實人靚就得，胸大真係咁重要咩？
愛照鏡：€※€：本嚟心口有冇肉地係唔重要嘅，一日最衰就係班男人，佢哋覺得有心口至係女人，如果心口冇肉，就笑佢係「長平公主」，你叫我哋班女仔點忍呢？最慘就係有時女人都唔幫女人，見到有姊妹個心口細啲，就喺度取笑對方，咪搞到好似有冇胸好重要咁囉！
音樂狂：$(Ъ($：我都有睇呢單新聞，發覺自信呢樣嘢真係好得意。事關個女主角起初覺得自信要憑心口嚟得到，點知得到比賽冠軍後，就發現原來贏得比賽，自信心即刻返晒嚟，心口唔再係重點。其實好多女士都應該以此為鑑，須知道自信心係靠人認同而非嗰兩舊肉。
電磁祥：^v^：其實我覺得有自信嘅女人已經好靚、好吸引，好似AV女優夏目優希咁，就係其中一個好例子。佢個心口雖然同蘭丁一樣只係得B，但係佢一啲都冇自卑，反而以貧乳為美，拍出嚟嘅作品人人讚好，邊個人話只有巨乳至得人鍾意呢？