日本AV女優喺現場拍攝時，經常要全身赤裸，每當導演叫停機休息，女優們當然唔會赤條條咁周圍走，呢個時候工作人員都會畀件浴袍佢哋着。最近有AV網站做咗個調查，問女優們最喜歡着乜嘢顏色嘅浴袍，乜唔係只得白色嘅咩？
女優們由18歲到38歲，都喜歡着粉紅色嘅浴袍，一來粉紅色有強烈嘅少女味道，就算38歲，都喜歡畀人有少女般嘅感覺，二來女優着住粉紅色浴袍，喺現場燈光反射下，面色會神采飛揚一啲，唔似着白色浴袍，顯得面青唇白，令人有種冇乜精神嘅感覺，難怪女優們爭住着粉紅色嘅浴袍啦！
可以話係今年嘅流行顏色，而喜歡着淺綠色嘅女優，一般都係廿五六歲樓下嘅女優，流行原因可能同環保有關啩。據資深化妝師講，淺綠色嘅浴袍，可以令白皙膚色嘅女生更加白淨滑溜，散發天真爛漫嘅味道，睇嚟都要買件畀屋企隻乸着吓。
全黑色嘅浴袍，最早時候係啲阿姐級人馬買嚟着，佢哋一身霸氣，加件黑色浴袍，就好似着住黑色皮草嘅名媛一樣，光芒四射，魅力非凡。成班女優一齊開工時，見到着黑色浴袍嘅就一定係當中嘅阿姐級，後嚟有啲二線囡囡扮阿姐，都會買件黑浴袍喺現場着，於是黑色浴袍就成為最喜歡顏色嘅第三位。
撰文：小德