浪漫這種玩意，係女人都想得到，不過能夠掌握浪漫情懷嘅男人真係唔多，更何況係宅男，所以宅男除咗溝通之外，最弱的一環，應該就係浪漫。如果自問成日畀女人嫌棄唔夠浪漫的話，不妨買本《1001 Ways to be Romantic》睇吓，學吓書入面製造浪漫方法，雖然浪漫好多時都係自然地發生，太刻意嘅營造反而覺得唔浪漫，不過能夠去到呢步已經屬於高級組，自問未夠班者，應該從營造學起，唔應該對呢啲工具書有歧視。再加上作者好擅長寫呢類型嘅工具書，更會從場景、氣氛、體態以至小禮物入手，令對方無法抗拒你的無微不至。就算是有了固定女伴，都值得學習，因為可以利用浪漫氣氛，令激情保持新鮮，唔怕過期。