老鬼旭：&▼&：喺香港如果同未成年少女發生性行為，係刑事罪行，隨時要坐牢，但係美國有位爸爸，撞破自己嘅未成年女兒同男友親熱，佢竟然畀少男選擇，一係報警一係打屁股，結果少男梗係揀打屁股，仲畀爸爸拍低過程，最近在網上瘋傳。原來條片已經係6年前拍低，而施刑者已經逝世，最近家人搵到片段，認為公開片段係紀念佢嘅最佳方法。條片見到少年除掉褲子，露出屁股任由對方打，少年不斷慘叫，打了幾十下之後就坐了起來反抗，施刑者最終打到連自己的無名指也腫了。
阿蒙：€o€：嘩！呢個靚仔好着數，食完卜卜脆嘅女朋友，又唔使負上法律責任，淨係畀人哋爸爸打屁股，呢個爸爸都算仁慈，自己愛女蝕晒底，點可以就此放過呢個𡃁仔，就算唔報警，都要打一身，唔止打屁股咁簡單，如果人人都係咁樣，啲𡃁仔就會愈來愈色膽包天，實在好危險呀！
靚仔：#o# ：我都係年輕人，好明白血氣方剛嘅感受，有時候同女朋友見得多，又摸又摷又咀之後，慾火真係上晒腦，唔搞唔得。如果大家你情我願之下，都係情有可原嘅！不過梗係唔可以畀人知，更加要喺安全地方進行，喺香港如果好似佢咁樣畀人哋爸爸撞破，就肯定要洗乾淨屁股等坐牢喇！
大舊：@o@：我就話年輕人一定要管得嚴啲！咁容易畀佢走甩，佢下次就更加肆無忌憚，雖然依家個社會風氣好開放，少女愈來愈早失身，但係始終未成年就要有成年人管住，而且咁早有性行為，腦囟都未生埋，隨時搞大個肚就一世喇！呢個爸爸真係唔要得，打屁股就當係懲罰，佢個女遲早畀人搞大個肚喇！