熱鬧咗成個月歐國盃終於曲終人散，無論所捧嘅球隊最後有冇贏取冠軍都好，大家都要回歸正常生活；但有人喺歐國盃之後，反而更忙更火，佢哋就係一班着住球衣、大賣性感嘅嫩模，而當中有幾位成功上位，人氣大升嘅分別係呢三位！
王朵朵出道都有大半年，嫩模中算大師姐級，所以佢未到比賽，就已經拍定多輯足球寶貝嘅照片，喺每晚比賽時同步推出，可以話食正個勢，球迷們當然爭相轉貼，但最重要仲係王朵朵嘅身材十分火辣，單係上圍就有35吋，着上性感波衫，真係冇乜人會唔流鼻血，所以佢嘅點擊人次將近一百萬，人氣指數絕對係爆晒燈。
祖籍：北京
三圍：35、23、34
身高：162cm
舊年大學畢業嘅劉盈君，參加過模特兒比賽，但成績一般，所以事業仲係起步階段，但佢十分醒目，食住個勢拍咗一輯以足球為主題嘅性感靚相，由於盈君樣子清秀，加上呢輯照片以青春活力為主，盡顯盈君嘅優點。此外，盈君上圍嘅驚人威力，亦同時爆發，一條事業線又長又深，吸引唔少球迷嘅注意，事後不斷網上搜尋，令佢人氣急升。
祖籍：長春
三圍：35、26、35
身高：168cm
同樣係新人嘅趙顥棋，出道只有幾個月，但就喺歐國盃期間推出一輯足球寶貝嘅照片，令佢人氣大升。樣子可人嘅顥棋，充滿青春氣息，咪睇佢上圍只得31吋，但喺魔術胸圍嘅幫助下，同樣產生出波濤洶湧嘅效果，令人暈晒大浪，噴血度極高，所以穩佔第三位，據講奧運期間，佢哋三個都會繼續有運動寫真推出，令人期待。
祖籍：吉林
三圍：31、24、35
身高：170cm
撰文：小德