宅男天地:百花繚亂 魔眼劍姬

講到呢期Hit到爆,故事又充滿性感女角嘅日本動漫,相信呢套改編自日本戰國史嘅動漫《百花繚亂 Samurai Girls》一定榜上有名。皆因一班女角個個樣靚身材正,更大玩爆乳兼露底,自然睇到人血脈沸騰!

柳生義仙成為呢套作品嘅最新模型作,同原著一樣充分展露出佢玲瓏浮凸嘅身材,除咗對吸手波相當有睇頭外,佢條超短百褶裙下嘅美腿,更係輕易捕捉男士嘅眼睛。此外,不得不提模型精緻嘅圖案設計。須知道原著中柳生義仙黑絲同長刀上嘅花紋相當複雜,冇番一定功力都好難忠實地呈現出嚟。模型就喺呢度下過苦功,不但花紋細緻,而且跟足原著,絕對係誠意之作。

全  高:約250mm

售  價:約HK$794

暫定發售:2012年11月

撰文:魂