鹹味蟲： *~* ：早排睇新聞，台灣高鐵上有位大嬸一上車就除咗對鞋，臭腳味即刻嚟個大爆發，最慘就係坐喺佢隔籬嗰位仁兄，頂唔順之下情願補飛換座位。點知有老友睇到呢單新聞卻笑稱，查實腳臭呢家嘢見仁見智，皆因對戀腳嘅玩家嚟講，呢種至係國色天「香」喎！
山番狼： €o€：嘩！先唔講呢位大嬸嘅腳臭問題，其實喺車度咁做都已經讓人難頂啦！不過話又講番轉頭，我識得一個朋友嘅朋友，佢係個正宗戀腳者。嗰次同佢落場揀女，佢居然叫啲囡囡戙起隻腳畀佢索，佢話囡囡索唔索，全憑對腳夠唔夠味道，真係令我眼界大開呀！
事頭婆：QoQ：咪講你個朋友個朋友啦！我個前前度男友佢就係一個戀腳愛好者，起初都唔覺得佢有咁嘅習慣，後嚟發覺佢喺曳曳時，好鍾意捉住我隻腳起勢索，話咁好High。點知其後佢仲變態，我一放工返屋企，佢二話不說就索我隻汗味十足嘅臭腳，我真係接受唔到囉！
季候鳥：X~X：講真，戀腳其實只係性癖好嘅一種，只要唔好影響到人哋，同埋唔好危害社會安全，最重要係女伴接受得到嘅話，都冇乜嘢問題，講到尾都係要雙方Enjoy就得。不過話又講番轉頭，如果喺公眾場所散發「味」力嘅話，確係幾令人討厭嘅。