大偉：*€*
上個月貴州有個19歲男子，喺火車站向途人兜售自己嘅女友，呢個世界真係無奇不有。該名男子向途人以5,000元兜售自己嘅女友，幸好有好心途人假意還價，之後話去攞錢，其實趁機報警，警方趁他們交易的時候，當場將男子拘捕，救回被困的女友。呢件事證明咗內地無咩係唔賣嘅！難怪咁多港男話內地女源不絕，只要口袋有錢，就咩都可以買到，就連人家嘅女朋友都可以用錢買到！不過我始終覺得呢個男人最可恥，為咗錢咩都夠膽死！
阿森：$￭$
今次呢個少女算係大命，內地咩都有可能發生，如果佢女朋友生得鬼火咁靚，隨時有人爭添！所以女人一定要帶眼識人。事關女人最容易畀愛情沖昏頭腦，男人氹得兩氹，唔做安全措施又肯，出去賣肉養家又制，最終損失最大嘅梗係自己喇！我雖然係男人，都唔會幫啲賤男嘅！
四哥：^v^
我成日都話女人最容易畀人呃！雖然我唔係賤男，亦都無呃過女人，不過我身邊有好多兄弟，成日都以呃女人為榮，佢哋自命風流，一拖四都係等閒事，不過能夠賣女友求財嘅！就真係冇，所以內地呢位男子，都算係賤男中嘅賤男。
陳仔：@o@
聽講嗰位少女只得14歲，都入世未深，梗係容易畀人呃喇！所以我一向都唔贊成女人太早拍拖，更加唔贊成太早有性行為，我唔係衞道之士，只不過係睇唔過眼依家啲少女嘅性觀念愈來愈開放，雖然對男人有着數，不過我係唔會乘人之危，更加唔會呃細路女！次次上床之前，我都會確定對手超過18歲o架！