李兵兵：$Ъ$ 最近有個富商竟好玩唔玩，收藏咗過萬張壯男嘅性感照片，據聞有部分同志更係演藝界中人。我啋！乜演藝圈咁多同志嘅咩？你叫我哋呢啲情深美少女，以後應該情歸何處呢？難度真係「戲子無情」？
犯兵兵：*€* 古語有話「戲子無情」，由我阿嫲年代開始，已經係咁教落o架啦，只係你哋啲無知少女至會一往情心，迷頭迷腦走去追星啫，計我話花咁多心思同精神落去一啲回報都冇，不如全神貫注，花心機去釣個金龜婿仲好啦，只要成功一次嘅話，你都有排唔使憂，就算身邊人最後變心，離婚嗰陣仲可以敲佢一大筆贍養費添。
高兵兵：@o@ 我哋粉絲對偶像嘅愛不知幾咁高尚，點可以用金錢嚟衡量，就算佢哋有女朋友，甚至有埋老婆，我哋都會對佢不離不棄，徹底奉獻。不過，如果偶像所愛係同性嘅話，咁就真係要諗過先，因為我哋唔怕輸畀一個醜過自己嘅女性，但點都冇理由會輸畀男性囉！情況真係咁出人意表，我怕自己會接受唔到囉！
許兵兵：^v^ 新生代女性，乜嘢都要做主動，計我話靚仔一街都係，每晚落老蘭要搵幾多個就幾多個，只要遇上啱傾啱講嘅靚仔，就咪磋跎歲月啦！馬上拉佢去酒店開房，就可以驗明正身，係曲係直，馬上就知道，性取向係點，唔驗證係好難知道嘅，你仲慢吞吞喺度等運到，到時癡心錯種，泥足深陷時至知道真相，真係後悔莫及啦。