日本嘅AV女優拍電影，事前係冇劇本嘅，好多時都係到咗現場至有，女優們就要把握開拍前一小時熟讀晒所有對白，為咗可以專心讀稿，佢哋都會坐埋一邊，但坐姿各異，我哋睇吓有邊幾種先！
原來好多女優都喜歡戙起一隻腳嚟讀稿，佢哋話咁樣至會入腦，點解會咁不顧形象嚟讀稿呢？原來同習慣有關，女優們以前喺屋企溫書冇書枱坐嘅話，就會坐喺地下，而習慣戙起一隻腳，除咗可以抱住暖啲之外，仲可以托住個頭，每逢考試例必咁樣讀書，所以習慣成自然，家陣出嚟做嘢，只要一「咪書」就要戙起隻腳。
唔講都唔知有近三成嘅女優喜歡踎喺度嚟讀稿，佢哋話踎喺度冇咁易腳痹，而且可以搖吓搖吓，讀稿都可以快啲入腦，係真唔係呀？原來又同讀書時代有關，佢哋返學時都要搭公車，如果冇位又要溫書時，佢哋就會踎埋一邊作最後衝刺，專家話晨早溫書，可以記到七成內容，所以誤會以為踎喺度會好記性囉。
所謂併合彎曲就係囡囡坐喺地下，雙腳併埋曲起嚟坐，至於雙腳擺放左面或右面就冇所謂，囡囡話咁樣「咪稿」感覺會冇咁大壓力，文字會更容易入腦，原來又係同佢學生妹時代有關，喺屋企溫習時坐地下坐得多，條腰就會冇力，佢哋就會搵嘢嚟靠，例如身體靠住床，雙腳就自然併合曲放，佢哋話家陣一用腦就要咁坐。
撰文：賢